REFUGEE

இளைஞர்களுக்கான நாளை'' அமைப்பின் தலைவர் நாமல் ராஜபக்ஷவுக்கும் விடுதலைப் புலிகளின் சர்வதேசத் தலைவர்களில் ஒருவரான எமில்காந்தனுக்கும் இடையே உள்ள தொடர்பு என்ன? இந்த அமைப்பிற்கு புலிகளின் சர்வதேச நிதி பயன்படுத்தப்படுகின்றதா? இக் கேள்விகளுக்கு ஜனாதிபதி அல்லது பிரதமர் 48 மணித்தியாலங்களுக்குள் பதில் அளிக்க வேண்டும் என்று ஸ்ரீலங்கா சுதந்திரக் கட்சி மக்கள் பிரிவின் தலைவரும் எம்.பி.யுமான மங்கள சமரவீர கோரிக்கை விடுத்தார்.

புலிகளின் கறுப்புப் பணம் இன்று இளைஞர்களுக்கான நாளை அமைப்பன் மூலம் வெள்ளைப் பணமாக மாறுகிறதா என்றும் அவர் கேள்வி எழுப்பினார்.

கொழும்பிலுள்ள பொது வேட்பாளர் ஜெனரல் சரத் பொன்சேகாவின் அலுவலகத்தில் நேற்று வெள்ளிக்கிழமை இடம்öப்ற ஊடகவியலாளர் மாநாட்டில் கருத்து தெரிவித்தபோதே மங்கள சமரவீர இவ்வாறு தெரிவித்தார். இந்த ஊடகவியலாளர் மாநாட்டில் பொது வேட்பாளரின் பேச்சாளரும் ஜே.வி.பி. எம்.பி.யுமான அநுர திஸாநாயக்காவும் கலந்து கொண்டார்.

இவ் ஊடகவியலாளர் மாநாட்டன் போது புலிகளின் சர்வதேச தலைவர்களில் ஒருவரான எமில் காந்தன் என்பவரோடு நாமல் ராஜபக்ஷ காணப்படும் புகைப்படமொன்றும் மங்கள சமரவீர எம்.பி.யினால் காண்பிக்கப்பட்டது.

இங்கு தொடர்ந்தும் கருத்து தெரிவித்த மங்கள சமரவீர எம்.பி. கூறியதாவது:

2005ஆம் ஆண்டு ஜனாதிபதித் தேர்தலில் வடபகுதி தமிழ் மக்கள் வாக்களிப்பதை தடுப்பதற்காக விடுதலைப் புலிகளுக்கு பணம் வழங்கப்பட்டது. இதன்போது எமில் காந்தன், பஷில் ராஜபக்ஷ, பி.பி. ஜயசுந்தர, ஜனாதிபதியின் செயலாளர் லலித் வீரதுங்க ஆகியோரை சந்தித்து பேச்சுவார்த்தைகளை நடத்தினார்.

அந்த இடத்தில் நான், ஸ்ரீபதி சூரிய ஆராய்ச்சி ஆகியோரும் சமுகமளித்திருந்தோம். அதன் பின்னர் எமில் காந்தன், பஷில் ராஜபக்ஷ எம்.பி.யோடு தொடர்ந்து உறவுகளை பேணி வந்தார். இவ்வாறு தொடர்ந்த உறவை இன்னும் அரசாங்கம் தொடர்கிறது.

இளைஞர்களுக்கான நாளை அமைப்பின் தலைவர் நாமல் வேலையில்லா ஒரு இளைஞர். இவ்வாறான ஒருவர் நாளைக்கு தொலைக்காட்சி விளம்பரத்திற்காக எவ்வாறு 280 இலட்சத்தை செலவு செய்கிறார்.

வேட்புமனு தாக்கல் செய்யப்பட்டு இதுவரை இரண்டு மாத காலங்களில் விளம்பரங்களுக்காக பல கோடி ரூபாக்கள் செலவு செய்யப்பட்டுள்ளது. இவ்வாறான இளைஞர்களுக்கான நாளை அமைப்பிற்கு புலிகளின் முக்கியஸ்தர் ஊடாக அவர்களது சர்வதேச முதலீடுகளிலிருந்து பணம் கிடைக்கின்றதா? இந்த அமைப்பின் பெயரில் இலங்கையில் இருக்கும் வங்கிக் கணக்குகளின் எண்ணிக்கை எவ்வளவு? வெளிநாடுகளிலுள்ள வங்கிக் கணக்குகள் எவ்வளவு? லண்டன், பொஸ்டன், டுபாய் நாடுகளில் நாமலுக்கு எத்தனை தனிப்பட்ட வங்கிக் கணக்குகள் இருக்கின்றன? சுவிட்சர்லாந்திலுள்ள வங்கியொன்றில் முதலீடு செய்யப்பட்டுள்ள பணத் தொகை எவ்வளவு? வெளிநாட்டு நாணயங்களில் எத்தனை கணக்குகள் இருக்கின்றன? அமைப்பிற்கும், தனிப்பட்ட வங்கிக் கணக்குகளுக்கும் எங்கிருந்து எப்படி, யார் மூலம் பணம் கிடைத்தது? இவை தொடர்பாக 48 மணித்தியாலங்களுக்குள் ஜனாதிபதி அல்லது பிரதமர் பகிரங்கமாக பதிலளிக்க வேண்டும்.

ஏனென்றால் இது நாட்டின் தேசிய பிரச்சினை. எனவே, வெறும் கூச்சல் போடுபவர்களின் பதில்கள் எமக்கு அவசியமில்லை. சர்வதேச நாடுகளிலுள்ள புலிகளின் கறுப்புப் பணம் இன்று இளைஞர்களுக்கான நாளை அமைப்பினூடாக வெள்ளைப் பணமாக்கப்படுகிறது.

கே.பி.யை சொகுசாக தடுத்து வைத்துக்கொண்டு புலிகளின் 600 வங்கிக் கணக்குகளின் விபரங்களை அறிந்து கொண்டு அப்பணத்தையும் அரசாங்கம் செலவழிக்கின்றது.

புலிகளின் தங்கத்திற்கு என்ன நடந்தது? வங்கியிலிருந்த நகைகளுக்கு என்ன நடந்தது? சர்வதேச ரீதியில் செயல்படும் புலிகளின் தலைவரான எமில் காந்தனின் கோட்டேயிலுள்ள வீடு ஜனாதிபதியின் உத்தரவுக்கமைய அரசுடைமையாக்கப்பட்டுள்ளது. எமில் காந்தன் எங்கே? நாமலுக்கு உள்ள தொடர்பு என்ன? விடுதலைப்புலிகளோடு இன்றும் அரசாங்கம் தொடர்புகளை பேண வருவதோடு அவர்களது பணத்தையும் பெற்றுக்கொண்டுள்ளது.

எமது படையினர் உயிர் கொடுத்து தேசத்தை மீட்டது. ஆனால், இவர்களோ புலிகளின் பணத்தில் சொகுசாக வாழ்கின்றனர். அதேவேளை, நாட்டை காத்த தளபதி ஜெனரல் சரத் பொன்சேகா மீது புலி முத்திரை குத்தி தேசத் துரோகி பட்டம் சூட்டுகின்றனர்.

புலிகளோடு தொடர்புகளை வைத்துக்கொண்டு, புலிப் பணத்தில் சொகுசாக வாழ்பவர்கள் தேசப்பற்றாளர்களா? தேசத்துரோகிகளா? என்பதை மக்கள் சிந்தித்தறிய வேண்டும்.

நாமல் ராஜபக்ஷ மற்றும் புலி உறுப்பினர் எமில் காந்தனுடனான புகைப்படம் ஜோடிக்கப்பட்டதல்ல. உண்மையானது. அதற்கான முழுப் பொறுப்பையும் நாங்கள் ஏற்றுக்கொள்கிறோம்.

ஆயுதக் கொள்வனவு தொடர்பாக ஜெனரல் சரத் பொன்சேகா மீது அரசாங்கம் சேறு பூசுகிறது. அதற்காக 2004ஆம் ஆண்டில் தமிழ் நெட் இணையத்தள செய்தியை ஆதாரமாக காட்டுகிறது.

இவையெல்லாம் பொய்யான சேறு பூச்சுக்கள் என்பதை மக்கள் புரிந்துகொள்ள வேண்டும். தேசப்பற்றாளர்கள் யார்? தேசத்துரோகிகள் யார்? மக்கள் தீர்மானிக்க வேண்டும்.

அமெரிக்க ஜனாதிபதி பராக் ஒபாமாவின் பிரசார வடிவமைப்பாளர்களை இலங்கைக்கு கொண்டு வந்து பிரசார நடவடிக்கைகளை மேற்கொண்டாலும் எதிர்வரும் ஜனாதிபதி தேர்தலில் தற்போதைய அரசாங்கத்தினால் வெற்றியடை முடியாது. அரசாங்கம் தனது தோல்வியை தற்போதே ஏற்றுக் கொண்டுள்ளது என்று ஸ்ரீ லங்கா சுதந்திரக் கட்சி மக்கள் பிரிவின் தலைவர் மங்கள சமரவீர தெரிவித்தார்.

ஜனாதிபதி மஹிந்த ராஜபக்ஷவை விட ஜெனரல் சரத் பொன்சேகா வெற்றி வாய்ப்பில் 4 வீதம் முன்னணியில் உள்ளார்..

ஜனநாயக ரீதியாக பொது மக்களின் வாக்குகளினால் தெரிவுச் செய்யப்படுபவர் இராணுவ அதிகாரியாக இருந்தாலும் அவரை இராணுவ ஆட்சியாளராக கருத முடியாது எனவும் அவர் குறிப்பிட்டார்.ஐக்கிய தேசிய முன்னணியின் விஷேட செய்தியாளர் மாநாடு நேற்று வெள்ளிக்கிழமை எதிர்க்கட்சி தலைவர் அலுவலகத்தில் நடைபெற்றப் போதே மங்கள சமரவீர எம்.பி. மேற்கண்டவாறு கூறினார்..

இவர் இங்கு தொடர்ந்தும் கூறியதாவது:.

உத்தியோகபூர்வமான அறிவிப்பை மிக விரைவில் ஜெனரல் சரத் பொன்சேகா அறிவித்ததும் ஐக்கிய தேசிய முன்னணி எதிர்வரும் ஜனாதிபதி தேர்தலுக்கான பிரசார நடவடிக்கைகளை ஆரம்பிக்கும். ஜெனரல் சரத் பொன்சேகாவிற்கு சிறுபான்மையினத்தவர்களின் ஆதரவு கிடைக்காது னெ அரசாங்கம் கூறி வந்தது. ஆனால், தற்போது அந்நிலை மாற்றமடைந்துள்ளது..

எதிர்வரும் ஜனாதிபதி தேர்தலில் ஜெனரல் சரத் பொன்சேகாவை ஆதரிக்க முஸ்லிம் காங்கிரஸ் , ஜனநாயக மக்கள் முன்னணி உட்பட பல தமிழ் அரசியல் கட்சிகள் முன்வந்துள்ளன. நாட்டை பயங்கரவாதத்தில் இருந்து மீட்டெடுத்த முன்னாள் இராணுவ தளபதியான ஜெனரல் சரத் பொன்சேகாவை இன்று இந்த அரசாங்கம் மனசாட்சி இல்லாமல் தேசத்துரோகி என வர்ணித்து வருகின்றது. ஆனால், தற்போதைய ஜனாதிபதி மஹிந்த ராஜபக்ஷவை விட ஜெனரல் சரத் பொன்சேகா வெற்றி வாய்ப்பில் 4 வீதம் முன்னிலையிலேயே உள்ளார். எதிர்வரும் ஜனாதிபதித் தேர்தலில் தனது வெற்றியை உறுதி செய்ய தற்போதைய அரசாங்கம் தனது முழு ஆளுமையையும் பயன்படுத்தும். அந்த சவால்களுக்கு முகம் கொடுத்து போராட எதிர்க்கட்சிகளின் கூட்டணி தயாராகவே உள்ளது

நாட்டில் மனித உரிமை மீறப்படும்போதெல்லாம், நான் அது குறித்து நடவடிக்கை எடுக்குமாறு கூறிய போதும் மகிந்தவும் அவருடைய சகோதரர்களும் அதனைக் கவனத்தில் கொள்ளவில்லை.

எல்லா கலந்துரையாடல்களின் போதும், ஜிஎஸ்பி சலுகையைப் பற்றிப் பேசினால் அதனை அலட்சியப்படுத்தி விடுவர். அதன் விளைவை இன்று அவர்கள் அனுபவிக்கின்றனர்" என்று ஸ்ரீ லங்கா சுதந்திரக் கட்சி மக்கள் பிரிவுத் தலைவர் மங்கள சமரவீர தெரிவித்தார்.

ராஜகிரியவிலுள்ள கட்சி அலுவலகத்தில் இன்று நடைபெற்ற ஊடகவியலாளர் மாநாட்டில் உரையாற்றிய போதே அவர் இவ்வாறு தெரிவித்தார். அவர் அங்கு மேலும் தெரிவிக்கையில்,

"தற்போது நாட்டில் முக்கிய விடயமாகக் கருதப்படுவது ஜிஸ்பி சலுகை தொடர்பான விடயமே. இச்சலுகை தொடர்பாகத் தற்போது ஐரோப்பிய ஒன்றியம் கலந்தாலோசித்து வருகின்றது.

அதாவது சில காரணங்களால் ஜிஎஸ்பி சலுகையைப் பெற்று கொள்வதில் பின்னடைவுகள் ஏற்பட்டுள்ளன.

ஜிஎஸ்பி சலுகை கிடைக்கப் பெறுமாயின் அது நாட்டு மக்களுக்கு நன்மை தருவதாக இருக்கும். இருப்பினும் இதில் சில மாற்றங்கள் தற்போது ஏற்பட்டுள்ளன.

2005 ஆம் ஆண்டு ஜிஎஸ்பி சலுகை தொடர்பான உடன்படிக்கையில் 16 நாடுகளுள் இலங்கையும் உள்ளடக்கப்பட்டது.

ஜிஎஸ்பி சலுகையானது எல்லா நாடுகளுக்கும் கிடைக்கப் பெறுவதில்லை. வறிய நாடுகளுக்கே வழங்கப்படுவதோடு அந்நாட்டின் நிலை பற்றி ஆராய்ந்து அறிக்கை ஒன்றை பெற்றதன் பின்னரே வழங்கப்படும்.

ஜிஎஸ்பி நமது நாட்டுக்கு இது கிடைக்கப் பெற்றிருந்தமை மிகப் பெரிய வரப்பிரசாதமாகும்.

ஆனால் இன்று அது கைநழுவி போய்விடும் போல் உள்ளது. இலங்கைக்குக் கிடைத்த ஜிஎஸ்பியானது மொங்கேலியாவுக்கு வழங்கப்பட உள்ளது.

மேலும் இலங்கையில் இருந்து ஏற்றுமதி செய்யப்படும் பொருட்களுக்கு 37 சதவீதமான வரிச் சலுகையை ஐரோப்பிய ஒன்றியம் செலுத்துகின்றது. 2004ஆம் ஆண்டு முதல் இன்றுவரை 3 அமெரிக்க பில்லியனை அது செலுத்தியுள்ளது.

இவ்வாறான பல உதவி கிடைககப் பெற்றபோதும் மகிந்தவின் ஆட்சிக் காலத்தில் இடம் பெற்ற மனித உரிமை மீறல்களால் இவை அனைத்தும் கிடைப்பது சந்தேகமாகவே உள்ளது" என்றார்

யுத்தம் முடிவடைந்துள்ள நிலையில், அமைச்சர்களுக்குப் பாதுகாப்புக்காக 50 பாதுகாப்பு வீரர்கள் மற்றும் அதிகமான குண்டு துளைக்காத வாகனங்கள் பயன்படுத்தப்படுகின்றன. இவை குறைக்கப்பட வேண்டும்" என ஸ்ரீலங்கா சுதந்திரக் கட்சி மக்கள் பிரிவின் ஏற்பாட்டாளரும் எம்.பியுமான மங்கள சமரவீர தெரிவித்தார்.

இலங்கையில் அமைச்சர்களுக்கு வழங்கப்படும் பாதுகாப்பு தொடர்பிலும் இதனால் நாட்டில் ஏற்படும் பாதுகாப்பு செலவினம் குறித்தும் தெளிவுப்படுத்தும் ஊடகவியலாளர் மாநாடு இன்று ராஜகிரிய ஸ்ரீலங்கா சுதந்திர முன்னணி மக்கள் பிரிவு அலுவலகத்தில் இடம்பெற்றது.

அங்கு உரையாற்றும் போதே அவர் இவ்வாறு தெரிவித்தார். அவர் மேலும் தெரிவிக்கையில்,

"அமெரிக்க ஜனாதிபதி ஒபாமாவுக்கு கூட நமது நாட்டு ஜனாதிபதிக்கான பாதுகாப்புகளைப் போல் வழங்கப்படவில்லை. ராஜபக்ஷ குடும்பத்துக்கான பாதுகாப்பும் அந்த குடும்பங்களின் உறவினர்களில் இருந்தே பாதுகாப்பு உத்தியோகத்தர்களை நியமிப்பதும் வரையறையை மீறுவதாக உள்ளது.

ஜனாதிபதியின் பாதுகாப்புக்கென குவிக்கப்பட்டிருக்கும் ஆயிரக்கணக்கான துருப்புக்களை 50 ஆகக் குறைப்பதன் ஊடாகவும் அதேபோல் அநாவசிய வாகன விரயத்தைக் கட்டுப்படுத்தும் விதத்தில் அவரது பாதுகாப்புக்கென வழங்கப்பட்டிருக்கும் வாகனங்களை ஐந்தாக குறைப்பதற்கும் தேசிய பாதுகாப்பு சபைக்கு நான் ஆலோசனை வழங்குகிறேன்.

நாட்டின் நலன்கருதி தேசிய பாதுகாப்பு சபை, அதற்கான நடவடிக்கைகளை மேற்கொள்ள வேண்டும் என்றும் கேட்டுக் கொள்கிறேன்.

உயிர் அச்சுறுத்தல் ஏற்படும் பட்சத்தில் அவர்கள் தொடர்பான் முறைப்பாட்டினைச் சமர்ப்பிக்கும் போது, அது தொடர்பான விசாரணைகளை நேரடியாக நடத்தும் அதிகாரம் பாதுகாப்பு தரப்பினருக்கு வழங்கப்பட வேண்டும்.

சூழ்நிலைக்கேற்ப, பாதுகாப்பு செயலாளர், படை அதிகாரிகள் ஆகியோர் இது தொடர்பில் கலந்தாலோசித்து ஒரு தீர்வினை எடுக்க வேண்டும்.


விமான சேவைகள் நஷ்டம்

இதுவரை காலமும் இலாபத்தில் இயங்கிவந்த நிறுவனங்கள் இன்று நஷ்டத்தில் இயங்கி வருகின்றன. இதற்குக் காரணம் இன்றைய அரசாங்கமே.

1980 ஆம் ஆண்டிலிருந்தே விமான சேவையாற்றிவரும் நிறுவனம் இலங்கை விமான சேவை. இன்று இது நஷ்டத்தில் இயங்கும் நிலை தோன்றியுள்ளது.

வெளிநாடுகளிடம் கடன்வாங்கி அம்பாந்தோட்டையில் துறைமுகம் ஒன்று அமைக்கப்பட்டு வருகிறது. இன்று கொழும்புத் துறைமுகம் வீழ்ச்சி அடைந்து காணப்படுகின்றது. துறைமுக ஊழியர்களுக்கு மேலதிக கொடுப்பனவுகள் வழங்கப்படுவதில்லை. இதனால் அவர்கள் பெரிதும் பாதிக்கப்படுகின்றனர்.

தென்மாகாண சபை தேர்தலுக்காகப் பல அரச வாகனங்கள் பயன்படுத்தப்பட்டு மோசடிகள் நடைபெற்று வருகின்றன" என்றார்.