REFUGEE

பொன்சேகாவுக்கு தமிழர்கள் மத்தியில் பெரும் ஆதரவும், வாக்குகளும் கிடைத்துள்ளன. வடக்கு மற்றும் கிழக்கு மாகாணங்களில் பொன்சேகாவே அதிக வாக்குகளைப் பெற்றுள்ளார். ஆனால் சிங்களர்கள் மத்தியில் ராஜபக்சேவுக்கே பெரும் ஆதரவு கிடைத்துள்ளது.
அதேசமயம் தமிழர்களின் வாக்குகளைப் பெருமளவில் பிரிப்பார் என எதிர்பார்க்கப்பட்ட சிவாஜிலிங்கம் எம்.பி மிக மோசமான முறையில் வாக்குகளைப் பெற்றுள்ளார்.

எங்குமே அவர் 500 ஓட்டுகளுக்கு மேல் வாங்கவே இல்லை. குறிப்பாக தமிழர் பகுதிகளில் பல இடங்களில் 40 ஓட்டு, 50 ஓட்டு என்றுதான் வாங்கியுள்ளார். அவரால் தேர்தலில் எந்தவிதமான பாதிப்பையும் ஏற்படுத்த முடியவில்லை.

தமிழர்களை அழித்ததில் ராஜபக்சேவை விட பொன்சேகா சற்று நிதானமுடன் செயல்பட்டதாக தமிழர்கள் கருதுவதையே இந்த முடிவுகள் உணர்த்துவதாக உள்ளன.

Mahinda Rajapaksha 6,015,934 57.88%
Sarath Fonseka 4,173,185 40.15%
Mohomad Cassim Mohomad Ismail 39,226 0.38%
Achala Ashoka Suraweera 26,266 0.25%
Channa Janaka Sugathsiri Gamage 23,290 0.22%
W.V. Mahiman Ranjith 18,747 0.18%
Panagoda Don Prince Soloman Anura Liyanage 14,220 0.14%
Sarath Manamendra 9,684 0.09%
M.K. Sivajilingam 9,662 0.09%
Ukkubanda Wijekoon 9,381 0.09%
Lal Perera 9,353 0.09%
Sirithunga Jayasuriya 8,352 0.08%
Vickramabahu Karunaratna 7,055 0.07%
Idroos Mohomad Ilyas 6,131 0.06%
Wije Dias 4,195 0.04%
Sanath Pinnaduwa 3,523 0.03%
Mohamed Musthaffa 3,134 0.03%
Battaramulle Seelarathana Thero 2,770 0.03%
Senaratna de Silva 2,620 0.03%
Aruna de Zoysa 2,618 0.03%
Upali Sarath Kongahage 2,260 0.02%
Muthu Bandara Theminimulla 2,007 0.02%



Valid Votes 10,393,613 99.03%
Rejected Votes 101,838 0.97%
Total Polled 10,495,451 0.74%
Regis.Electors 14,088,500

மாலைதீவில் இடம்பெற்ற புலம் பெயர் நாடுகளின் பிரதிநிதிகளுடனான சந்திப்பில் எதிர்வரும் ஜானாதிபதித் தேர்தல் குறித்தும் தமது நிலைப்பாடு குறித்தும் கலந்துரையாடியதாக ஜனாதிபதி தேர்தல் வேட்பாளர் சிவாஜிலிங்கம் தெரிவித்துள்ளார்.

நேற்று மாலை மாலைதீவுக்கு சென்றிருந்த ஜனாதிபதி வேட்பாளர் சிவாஜிலிங்கம் இன்று காலை நாடு திரும்பியுள்ளதுடன், தற்போது மலையகத்தில் நடைபெறவுள்ள தேர்தல் பிரசாரக் கூட்டங்களுக்கு செல்லவுள்ளதாகவும் தெரிவித்தார்.

இதன் போது தமது நிலைப்பாட்டிற்கு புலம்பெயர் நாடுகளில் உள்ள பிரதிநிதிகள் ஆதரவு வழங்கியுள்ளதாகவும் , இது குறித்து விரைவில் சாதகமான அறிக்கை விடுவதாகவும் அவர்கள் நம்பிக்கை வெளியிட்டதாக அவர் எமது செய்திச்சேவைக்குத் தெரிவித்தார்.

அதேவேளை மாலைதீவில் வைத்து விடுதலை புலிகள் அம்மைப்பின் தலைவர் பிரபாகரனின் மனைவி மதிவதனியின் தாயார் ஏரம்பு சின்னம்மாவை அவரது உறவினர்களிடம் ஒப்படைத்துள்ளதாகவும் , அவர் தற்போது சிங்கப்பூர் சென்று அங்கிருந்து அவது பிள்ளைகளுடன் இணைவார் என சிவாஜிலிங்கம் தெரிவித்தார்.

வடக்கு கிழக்கு இராணுவ மயமாக்கல் நீக்கப்பட வேண்டும். உயர் பாதுகாப்பு வலயம் என தடை செய்யப்பட்டு மக்கள் குடியேற்றத்திற்குத் தடையாக இருப்பதை நீக்க வேண்டும்.

வடக்கு கிழக்கில் கைது செய்யப்பட்டு தடுத்து வைக்கப்பட்டுள்ள இரண்டாயிரம் அரசியல் கைதிகள் விடுதலை செய்யப்படுவதுடன் தமிழீழ விடுதலைப் புலிகள் என தடுப்பு முகாம்களில் கைது செய்து தடுத்து வைக்கப்பட்டிருக்கும் இளைஞர், யுவதிகளும் விடுதலை செய்யப்பட வேண்டும்.

இதற்கு ஜனாதிபதித் தேர்தலில் போட்டியிடும் பிரதம வேட்பாளர்கள் இருவரும் பகிரங்கமாக வாக்குறுதி தந்தால் நான் இந்த ஜனாதிபதித் தேர்தலில் போட்டிடுவதில் இருந்து விலகிக் கொள்கின்றேன்" என ஜனாதிபதி வேட்பாளரும் யாழ். மாவட்ட நாடாளுமன்ற உறுப்பினரும் தமிழீழ விடுதலை இயக்கத்தின் முக்கியஸ்தருமான சிவாஜிலிங்கம் குறிப்பிட்டார்.

ஜனாதிபதித் தேர்தலில் போட்டியிடும் சிவாஜிலிங்கம், தாம் போட்டியிடுவதற்கான காரணத்தை விளக்கும் பொருட்டு, ஊடகவியலாளர் மாநாடு ஒன்றை யாழ்ப்பாணம் பஸ்தியான் விடுதியில் இன்று காலை 9.45 மணியளவில் நடத்தினார்.

மாநாட்டில் அவர் ஊடகவியலாளர்களின் கேள்விகளுக்கும் பதிலளித்தார். அவர் அங்கு கூறியதாவது :

"தமிழ் மக்களின் வரலாற்றில் மிகவும் மோசமான பின்னடைவுகள், பாதிப்புக்கள் ஏற்பட்டுள்ள முக்கியமான காலகட்டத்தில் தான் ஜனாதிபதித் தேர்தல் எம் முன் வைக்கப்பட்டுள்ளது. தமிழ் மக்கள் எவ்வாறு நடந்து கொள்ள வேண்டும் என்பது கேள்விக்குரியாகவே உள்ளது.

விக்கிரம்பாகுவுடன்....

இதனையிட்டு பெரும் கருத்துக் கணிப்புகள் வெளிநாடுகளில் இடம்பெற்றுக் கொண்டிருக்கின்றன. நான் ஜனாதிபதித் தேர்தலில் போட்டியிடும் கலாநிதி விக்கிரமபாகு கருணாரட்னவுடன் கலந்துரையாடிய போது, அவர் என்னிடம் தனக்கு ஜனாதிபதித் தேர்தலில் தமிழ்த் தேசியக் கூட்டமைப்பு ஆதரவு தர வேண்டுமென என்னிடம் கேட்டிருந்தார். நான் ஏனையோருடனும் இது குறித்துக் கலந்துரையாட ஏற்பாடு செய்வதாகத் தெரிவித்திருந்தேன்.

இச்சமயத்தில், தமிழ்த் தேசியக் கூட்டமைப்பு ஜனாதிபதித் தேர்தலில் ஒரு வேட்பாளரை நிறுத்த வேண்டும் எனவும் அதற்கு சம்பந்தரை நிறுத்த நடவடிக்கை எடுப்பதெனவும் ஓர் அபிப்பராயம் காணப்பட்டது.

தமிழ்த் தேசியக் கூட்டமைப்பில் உள்ள கட்சிகளின் தலைவர்கள் கூடி கலந்துரையாடிய போது, தமிழீழ விடுதலை இயக்கத்தின் சார்பில் ஒருவரை வேட்பாளராக நிறுத்த வேண்டும் எனக் கேட்டிருந்தோம்.

இந்தியாவில் ஊடகவியலாளர் மாநாடு

இந்நிலையில் நான் இந்தியா சென்ற வேளையில் செல்வம் அடைக்கலநாதனுடன் தொடர்பு கொண்ட போது, தமிழ்த் தேசியக் கூட்டமைப்பு வேட்பாளர் எவரையும் நிறுத்தப் போவதில்லை என்று தெரிவித்திருந்தது. இவ்வேளை நான் இந்தியாவில் ஊடகவியலாளர் மாநாட்டை நடத்தி, ஜனாதிபதித் தேர்தலில் போட்டியிடவுள்ளதாகத் தெரிவித்தேன்.

ததேகூ நாடாளுமன்ற உறுப்பினர்கள் கூடியபோது சம்பந்தர், சரத் பொன்சேகாவுடனோ மகிந்தவுடனோ கதைப்பதில் பயன் இல்லையெனக் குறிப்பிட்டார். நெதர்லாந்து எமக்கும் அரசுக்கும் இடையில் தூதுவராக செயற்படுவதாகவும் அவர் குறிப்பிட்டார். நான் இதனை அந்தக் கூட்டத்தில் எதிர்த்தேன்.

கடந்த அறுபது வருடங்களாக நாம் பலராலும் ஏமாற்றப்பட்டுள்ளோம் இந்நிலைமை இனிமேலும் தொடரக் கூடாது எனவும் வலியுறுத்தினேன. எதிர்வரும் ஜனவரி 26ஆம் திகதியுடன் தமிழ் மக்களுடைய பிரச்சினைகள் மழுங்கடிக்கப்படும் எனவும் தெரிவித்தேன்.

தமிழ்க் கூட்டமைப்பை உடைக்க முயன்று வருகின்றோம் என யாராவது கருதினால் அது பிழையான கருத்தாகும்." இவ்வாறு அவர் கூறினார்.

எமது இணையத்தளத்தில் 11-12-2009 ஆம் திகதி வெளியான செய்தி ஒன்றில் தனது பெயரைக் குறிப்பிட்டு நாடாளுமன்ற உறுப்பினர் சிவசக்தி ஆனந்தன் குற்றம் சாட்டியிருந்ததாகக் கூறி, அதற்கு மறுப்புத் தெரிவித்து நாடாளுமன்ற உறுப்பினர் கே.சிவாஜிலிங்கம் கடிதம் ஒன்றை அனுப்பு வைத்துள்ளார்.

அதன் விபரம் வருமாறு :

"தமிழ் மக்களின் வாக்குகள் தமக்கு எதிராகப் பயன்படுத்தப்படும் என அரசாங்கம் அச்சம் கொண்டுள்ளது. அதனை திசை திருப்புவதற்காக ஒரு பகுதிதயினரிடமிருந்து சிவாஜிலிங்கம் பணம் வாங்கியுள்ளார் என சிவசக்தி ஆனந்தன் குற்றம் சாட்டியிருந்தார்.

அவருடைய குற்றச்சாட்டு அப்பட்டமான பொய். வன்னிப் பகுதியில் போர் கடுமையாக நடைபெற்றுக் கொண்டிருந்தபோதும், முடிவடைந்து மூன்று லட்சம் மக்கள் முள்வேலி முகாம்களில் அகப்பட்டிருந்ததைக் கண்டித்தும் 13 மாதங்களாக இலங்கைக்கு வராமல் இந்தியாவிலும் பிரித்தானியாவிலும் தொடர்ந்து மக்கள் போராட்டங்களை வீதிகளில் இறங்கி நடத்தியவன் நான் என்பதை மக்கள் நன்கு அறிவர்.

அது மாத்திரமல்ல, இந்திய நாடாளுமன்றத்திற்கு வெளியே பல போராட்டங்கள் நடத்தியதையும் ஒரு மாதத்திற்கு மேல் தொடர்ச்சியாக இந்தியாவில் தங்க அனுமதி மறுக்கப்பட்ட சூழ்நிலையில் 5 தடவைகள் பிரித்தானியாவுக்கும் 3 தடவைகள் சிங்கப்பூருக்கும் ஒரு தடைவ மலேசியாவுக்கும் சென்று இந்தியா திரும்ப நிர்ப்பந்திக்கப்பட்டேன்.

தமிழ் மக்களின் மீதான இனப் படுகொலைகளைக் கண்டித்து பிரித்தானிய நாடாளுமன்றத்துக்கு முன்பாக நடைபெற்ற வீதி மறியல் போராட்டத்தில் கலந்துகொண்டு பொலிசாரினால் கைது செய்யப்பட்டேன். பொலிஸ் நிலையம் கொண்டு செல்லப்பட்டு, கூண்டில் அடைக்கப்பட்டு நீதிமன்றத்தில் நிறுத்தப்பட்டேன்.

எமது மக்களின் உயிர்களைக் காப்பாற்றுவதற்காக 2009 பெப்ரவரி மாதம் 10ஆம் திகதி தமிழீழ விடுதலைப் புலிகள் இயக்கம் தமது ஆயுதங்களை 3ஆம் தரப்பினரிடம் ஒப்படைக்க வேண்டும் என ஊடக அறிக்கை மூலம் கேட்டிருந்தேன்.

அவுஸ்திரேலியாவில் பொங்கு தமிழ் நிகழ்வில் ஆற்றிய உரை சம்பந்தமாக தேசத்துரோகக் குற்றச்சாட்டு சுமத்தப்பட்டு, வழக்கை எதிர்நோக்கியவன் நான். சுதந்திர தமிழீழப் பிரகடனம் செய்ய வேண்டும் என்று கோரிக்கை விடுத்தமை, தமிழீழ விடுதலைப் புலிகளின் தடையை நீக்கி தேசிய விடுதலைப் போராட்டத்தை இந்தியா அங்ககீகரிக்க வேண்டும் என்ற கோரிக்கைகளை முன் வைத்தமை என என்மீது குற்றச்சாட்டுக்கள் எழுந்தன.

கடந்த மாதம் நாடு திரும்பிய பின்னரும் தொடர்ந்து கொலை மிரட்டல்கள் வந்து கொண்டிருக்கின்றன. வன்னிப் போரின் போது 50 ஆயிரம் தமிழ் மக்களைப் படுகொலை செய்த அரசாங்கத்தை ஆதரிப்பதற்கு மனசாட்சியுள்ள தமிழனால் முடியுமா?

வன்னிப் போரில் சிங்களப் போர் வெற்றி நாயகன் தானே என உரிமை கொண்டாடும் ஜெனரல் சரத் பொன்சேகாவை ஆதரிப்பதற்கும் மனசாட்சியுள்ள தமிழனால் முடியுமா?

இம்மாதம் 9ஆம் திகதி நடைபெற்ற தமிழ்த் தேசியக் கூட்டமைப்பின் நாடாளுமன்றக் குழுக் கூட்டத்தில் 22 உறுப்பினர்களில் 17 உறுப்பினர்கள் கலந்து கொண்டிருந்தனர். அதில் 7 பேர் தமிழ் தேசியக் கூட்டமைப்பு ஒரு வேட்பாளரை நிறுத்த வேண்டும் என்ற கருத்தை முன் வைத்தோம். ஐந்து பேர் தேர்தலைப் புறக்கணிக்க வேண்டும் என்ற கருத்தை முன் வைத்தனர்.

ஏனைய ஐந்து பேரும் பொறுத்திருப்போம் என்று கூறிய பொழுது ஈ. பி. ஆர். எல். எப். அமைப்பைச் சேர்ந்த நாடாளுமன்ற உறுப்பினர் சிவசக்தி ஆனந்தன் ஆட்சி மாற்றத்துக்கு ஜெனரல் சரத் பொன்சேகாவை ஆதரிக்க வேண்டும் என்ற கருத்தை முன் வைத்தார்.

கலந்து கொண்ட 17 பேரில் 2 பேர் பிரதான வேட்பாளர்கள் இருவரில் எவரையும் ஆதரிக்க முடியாது என்ற கருத்தை முன் வைத்தனர். அவர்களில் ஒரு சிலர் கலாநிதி விக்கிரமபாகு கருணாரத்னவை ஆதரிக்க வேண்டும் எனவும் குறிப்பிட்டனர்.

இந்த நிலையில் சிவசக்தி ஆனந்தன் இவ்வாறு குற்றச்சாட்டை முன்வைக்குமாறு தூண்டிய தமிழ் அரசியல்வாதி யார் என்பதனை நான் அறிவேன். துணிவிருந்தால் அந்த அரசியல்வாதி குற்றச்சாட்டுகளை முன்வைக்கட்டும் என்று சவால் விடுகிறேன்.

சிவசக்தி ஆனந்தனிடம், கண்ணாடி வீட்டுக்குள் இருந்துகொண்டு கல் எறிய வேண்டாம் எனக் கூறிக்கொள்ள விரும்புகிறேன். வெகு விரைவில் சிவசக்தி ஆனந்தன் மீது சட்ட நடவடிக்கை எடுப்பேன் என்பதை உறுதியாகத் தெரிவித்துக் கொள்கிறேன்."

இவ்வாறு சிவாஜிலிங்கம் தனது கடிதத்தில் தெரிவித்திருக்கின்றார்.

தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.கே. சிவாஜிலிங்கம் ஜனாதிபதித் தேர்தலில் போட்டியிடுவதாக அறிவித்துள்ளார். இன்று பிற்பகல் தேர்தல்கள் செயலகத்தில் அவர் கட்டுப்பணம் செலுத்தியுள்ளார்.

சுயேட்சையாகத் தனித்து நின்று அவர் போட்டியிடுவதாகத் தெரிவிக்கப்படுகிறது

ஜனாதிபதித் தேர்தலில் தமது ஆதரவு யாருக்கு என்பதைத் தமிழ்த் தேசியக் கூட்டமைப்பு இதுவரை அறிவிக்காத நிலையில் கட்சியின் உறுப்பினர்களிடையே முரண்பட்ட கருத்துகள் வலுத்து வருவதாகத் தெரிவிக்கப்படுகிறது.

தமது கட்சியின் சார்பில் தமிழ் வேட்பாளர் ஒருவரை நிறுத்தாவிடின் தாம் சுயேட்சையாகக் களமிறங்கப் போவதாக நாடாளுமன்ற உறுப்பினர் எம்.கே. சிவாஜிலிங்கம் நேற்று மீண்டும் வலியுறுத்தியுள்ளார்.

தமிழ் வேட்பாளர் ஒருவரை நிறுத்துவதற்குக் கட்சியின் பெரும்பாலான உறுப்பினர்கள் ஆதரவு வழங்குவதாகவும் மேலும் சில நாடாளுமன்ற உறுப்பினர்கள் மாற்றுக் கருத்துக்களை முன்வைத்து வருவதாகவும் அவர் குறிப்பிட்டார்.

அரசியல் கைதிகளை விடுவிக்கக் கோரி கோட்டை ரயில் நிலையத்துக்கு முன்பாக நேற்று நடைபெற்ற ஆர்ப்பாட்டத்தில் சிவாஜிலிங்கம் கலந்துகொண்டதுடன் தமது கட்சியின் நிலைப்பாட்டைப் பிரத்தியேக உரையின் மூலம் வெளிப்படுத்தினார்.

ஆட்சி மாற்றத்துக்காக ஜெனரல் சரத் பொன்சேகாவுக்கு ஆதரவு வழங்குவதாக நாடாளுமன்ற உறுப்பினர் சிவசக்தி ஆனந்தன் குறிப்பிட்டுள்ள அதேவேளை, இது குறித்து மக்கள் கூறும் கருத்தினையே நாம் ஏற்றுக்கொள்ள வேண்டும் என துரைரட்ணசிங்கம் வலியுறுத்தியுள்ளார்.

எனினும் கட்சித் தலைவர் இரா. சம்பந்தன் தனது இறுதி முடிவு குறிதது எதுவித தகவல்களையும் ஊடகங்களுக்கு வெளியிடவில்லை.