REFUGEE

கிளிநொச்சியில் இருந்து தங்கம் கடத்தி வந்த வாகனம் ஒன்று மதவாச்சி சோதனை சாவடியில் இடைமறிக்கப்பட்டது. பொலிஸாருக்கு கிடைத்த தகவலின் பிரகாரம் டபிள்கப் நீல நிறவாகனம் மதவாச்சி சோதனை சாவடியில் வைத்து பொலிஸாரால் மறிக்கப்பட்ட வாகனம் மேலிடத்து உத்தரவுக்கு அமைய பின்னர் விடுவிக்கப்பட்டுள்ளதாக லங்கா ஈநியுஸ் செய்தி வெளியிட்டுள்ளது.

தங்கம் கடத்தி வந்ததாக தெரிவிக்கப்படும் மேற்படி வாகனம் மதவாச்சியில் வைத்து பொலிஸ் குழு ஒன்றினால் சோதனைக்கு உள்ளாக்கப்பட்டதா என்று மதவாச்சி பொலிஸாரிடம் கேட்டதற்கு அப்படி ஒரு சம்பவம் இடம்பெறவில்லையே என்று தெரிவித்துள்ளனர்.

லங்கா ஈநியுஸ் செய்தி நிறுவனம் வாகனத்தின் விபரம் இலக்க தகடு விபரம் எல்லாவற்றையும் தெரிவித்தபோது, அப்படியொரு வாகனம் சந்தேகத்தின் பெயரில் மறிக்கப்பட்டதாகவும் அவ் வாகனத்தில் இருந்து எந்தவொரு தடையங்களும் சிக்கவில்லையென பொலிஸார் தெரிவித்துள்ளனர்.

கிளிநொச்சி மாவட்ட அரசாங்க அதிபராக இலங்கை நிர்வாக சேவையைச் சேர்ந்த திருமதி ரூபவதி கேதீஸ்வரன் பொது நிர்வாக அமைச்சினால் நியமிக்கப்பட்டுள்ளார்.

தற்போது மட்டக்களப்பு மாவட்ட மேலதிக அரசாங்க அதிபராக பதவி வகித்து வரும் இவர் எதிர்வரும் திங்கட்கிழமை தனது கடமையை பொறுப்பேற்கவிருக்கின்றார்.

ஏற்கனவே கிளிநொச்சி மாவட்ட அரசாங்க அதிபராக சேவையாற்றிய எஸ்.வேதநாயகம் அவசரகால சட்ட விதிகளின் கீழ் தடுத்து வைக்கப்பட்டுள்ளார்.

இதனையடுத்து முல்லைத்தீவு மாவட்ட அரசாங்க அதிபர் திருமதி எமல்டா சுகுமார் கிளிநொச்சி மாவட்ட பதில் அரசாங்க அதிபராகவும் கடமையாற்றி வந்தமை குறிப்பிடத் தக்கது.

அதேவேளை, இலங்கை நிர்வாக சேவையைச் சேர்ந்த எம் தயாபரன் மட்டக்களப்பு மாவட்ட புனர்வாழ்வுத் திட்டப் பணிப்பாளராகக் கடமையேற்றுள்ளார்.ஏற்கனவே இப்பதவியை வகித்த எஸ். சிவநாதன் மாநகர ஆணையாளராக நியமிக்கப்பட்டுள்ளார்