REFUGEE

பிரான்சில் 12ம் 13ம் திகதிகளில் 37வாக்குச் சாவடிகளில் வட்டுக்கோட்டைத் தீர்மானத்தின் கருத்துக்கணிப்பு வாக்கெடுப்பு நடைபெற்றிருந்தது.

தற்போது வாக்குப்பதிவுகள் எண்ணப்பட்டுக்கொண்டிருக்கின்றன.

தற்போது கிடைத்த தகவலின் படி 27 இடங்களின் முடிவுகள்.

22559வாக்குப் பதிவில் 22375வாக்குகள் “ஆம்”. என்று வாக்களிக்கப்பட்டுள்ளது.

34வாக்கு “இல்லை” என்று வாக்களிக்கப்பட்டுள்ளது.

150வாக்குகள் செல்லுபடியாகாது.

தற்போது லாகூர்னேவ் நகரத்துக்குரிய வாக்குகள் எண்ணப்பட்டுக்கொண்டிருக்கின்றன. 4000க்கும் அதிகமான வாக்குகளைத் தாண்டி நிற்பதாக எமது செய்தியாளர் தெரிவிக்கின்றார்.

மேலதிக தகவல்கள் உடனுக்குடன் அறியத்தரப்படும்.

பிரான்ஸில் உள்ள பிரான்ஸ் தமிழீழ மக்கள் பேரவையினால் நாடுகடந்த தமிழீழத்திற்கான வாக்கெடுப்பு பிரான்ஸின் 30 இடங்களில் நடைபெற்றது. பிரான்ஸ் வாழ் தமிழர்கள் ஆர்வத்துடன் இந்த வாக்களிப்பில் கலந்து கொள்ளவில்லை. புலிகளின் ஆதரவாளர்கள் தவிர்ந்த பொதுமக்கள் இதில் கலந்து கொள்வதை தவிர்த்துக் கொண்டனர். வாக்களிப்புக்கு வழங்கப்பட்ட ஆம் இல்லை என்கிற சீட்டுக்குப்பதிலாக பல இடங்களி;ல் ஆம் என்கிற சீட்டு மட்டுமே வழங்கப்பட்டிருந்தது.

வாக்களிப்பு பல இடங்களில் நடைபெறாது என புலிகளின் இன்னொரு பகுதியினரால் நடாத்தப்பட்டு வரும் ஜீ.ரீவி. வானொலி அறிவித்ததை புலிகள் ஆதரவு இணையத்தளமான பதிவு டொட்.கொம் மறைமுகமாக கண்டித்து செய்தி ஒன்றை நேற்று வெளியிட்டிருந்தது. புலம்பெயர்நாடுகளில் உள்ள புலிகளுக்குள் பிளவு ஏற்பட்டு ஒருவரையொருவர் தாம்தான் புலிகளின் உண்மையான வாரிசாக காட்டிக்கொள்ள கடும் பிராயத்தனம் எடுத்து வருகின்றனர். இத்தகைய போக்கினால் புலிகளில் இருந்து அதிருப்தியாளர்கள் பலர் வெளியேறி வருகின்றனர். புலிகளின் ஊர்வலங்கள், நிகழ்வுகளில் முன்பு போல் மக்கள் அக்கறை கொண்டு கலந்து கொள்வதை தவிர்த்து வருகின்றனர். பலமாக இருந்த காலத்திலேயே தமிழீழம் கிடைக்கவில்லை. நாடு கடந்து என்னத்தை வெட்டிக் கிழிக்கப் போகிறார்கள் என்கிற போக்கே புலம்பெயர் தமிழ்மக்களிடம் காணப்படுகிறது.

நாட்டில் செய்ய முடியாததை நாடு கடந்து செய்து காட்டுவோம் என மக்களை ஏமாற்றுகின்ற இந்த வாக்களிப்புக்கள் பிசுபிசுத்துப்போவதை கண்முன்னே காணக்கூடிதாக உள்ளது. மாவீரர் தினத்திலன்று பிரபாகரன் மாவீரர் உரையாற்றுவர் என நம்பியிருந்த தமிழ்மக்கள் பலர் பிரபாகரன் இறந்துவிட்டதை தற்போது நம்பத்தொடங்கியுள்ளனர். புலிகளின் பிரச்சார ஊடகங்கள் மீதான நம்பிக்கை ஆட்டம் கண்டு வருகிறது. புலிகளின் தீவிர ஆதரவாளர்கள் தவிர்ந்த ஏனையோர் நாடுகடந்த தமிழீழத்திற்கு எதிரான கருத்துக்களையே தற்போது வெளிப்படுத்தி வருகின்றனர்.

சர்வதேசம் அங்கீகரிக்காத விடுதலைப்புலிகளின் ஆயுதப்போராட்டம் முள்ளிவாய்க்காலோடு அஸ்தமித்து விட்டது. இந்நிலையில் நம்பிக்கையிழந்து போயிருக்கின்ற புலம்பெயர்வாழ் தமிழ்மக்கள் மத்தியில் புலம்பெயர்ந்து வாழும் புலிகள் எதையாவது ஒன்றை செய்து பழைய பணச்சுரண்டலை தக்கவைத்துக் கொள்ள முயல்கின்றனர். இதன் வெளிப்பாடுதான் நாடுகடந்த தமிழீழத்திற்கான வாக்களிப்பு. இது முடிய நாடுகடந்த தமிழீத்திற்கான தலைவர் யார் என்னும் வாக்களிப்பு. பொறுத்திருந்து பார்ப்போம் இந்தக்கூத்துக்களை.

பிரான்ஸ் தமிழ் மக்களிடம் பலாத்கார பண பறிப்பில் ஈடுபட்ட புலிகளுக்கு சிறைத்தண்டனை. பிரான்ஸில் வாழுகின்ற தமிழர் சமூகத்திடம் மிரட்டி பணம் பறித்த குற்றச்சாட்டின் கீழ் விடுதலை புலிகள் அமைப்பை சேர்ந்த ஒரு குழுவினருக்கு பிரஞ்சு நீதிமன்றம் சிறைத்தண்டனை விதித்துள்ளது.

பல லட்சக்கணக்கான டொலர்களை இந்தக் குழுவினர் பிரான்ஸில் வாழும் தமிழ் மக்களிடம் மிரட்டிப் பணம் பறித்த குற்றச்சாட்டில் கைது செய்யப்பட்டுள்ள புலிகளின் பிரான்ஸ் பொறுப்பாளர் நடராஜா மதிந்திரன் என்பவர் உட்பட 21பேர் இந்த வழக்கின் குற்றவாளிகளாக காணப்பட்டுள்ளன.
பாரிஸிலும், அண்மைய பகுதிகளிலும் வாழும், பெரும்பாலும் அரசியல் அகதிகளான தமிழர்களிடம், புரட்சிவரி என்ற பெயரில் இந்தப் பணம் அறிவிடப்பட்டதாக அரசதரப்பு வழக்கு தொடுநர்கள் தெரிவித்துள்ளனர்.

மூன்று நாள் உத்தியோக பூர்வ விஜயம் மேற்கொண்டு இலங்கை வந்துள்ள பிரான்ஸ் நாட்டு மனித உரிமைகளுக்கான தூதர் பிரான்சுவா ஜிமேரி ,இலங்கையில் நிலவும் அவசரகால சட்டத்தை அரசாங்கம் முடிவுக்கு கொண்டு வர வேண்டும் என்று கேட்டுள்ளார்.

விடுதலைப்புலிகளுக்கும் அரசுக்கும் இடையிலான போர் முடிந்து 6 மாதங்களுக்கு மேலாகியுள்ள நிலையில், இலங்கை அரசாங்கம் இந்த சந்தர்ப்பத்தை பயன்படுத்தி 26 ஆண்டுகளுக்கு மேலாக இருந்து வரும் சட்டத்தை நீக்க வேண்டும் என்றார்.

அத்தோடு போரின் இறுதிக்கட்டத்தில் நடந்ததாக கூறப்படும் போர் குற்றங்கள் குறித்தும் இலங்கை அரசாங்கம் விசாரிக்க வேண்டும் என்று கேட்டு கொண்டார்.

'பிளெக்ஹோல்' குறித்த மிக முக்கிய ஆராய்ச்சியில் ஈடுபட்டுள்ள பிரான்ஸைச் சேர்ந்த அணு விஞ்ஞானி ஒருவர் அல்-கொய்தாவுடன் தொடர்பு வைத்திருந்ததையடுத்துக் கைது செய்யப்பட்டுள்ளார்.

அல்ஜீரியாவைப் பூர்வீகமாகக் கொண்ட பிரான்சைச் சேர்ந்த டாக்டர் அடலீன் ஹெசெர் (32) என்ற அந்த விஞ்ஞானி சுவிட்சர்லாந்தின் ஜெனீவா அருகே அமைக்கப்பட்டுள்ள செர்ன் அமைப்பி்ன் Large Hadron Collider என்ற அணுப் பிளவு ஆராய்ச்சி மையத்தில் பிளெக்ஹோல்கள் குறித்த ஆய்வில் ஈடுபட்டிருந்தவர்.

லண்டனில் ருத்தர்போர்ட் ஆப்பிள்டன் லேப் என்ற அரசின் மிக ரகசியமான அணு ஆராய்ச்சி மையத்திலும் பணியாற்றியவர் இவர்.

இவர் அல்-கொய்தாவின் வட ஆபிரிக்கப் பிரிவுடன் மெயில்கள் மூலம் தொடர்பில் இருந்ததை பிரான்ஸ் உளவுப் பிரிவினர் கண்டுபிடித்தனர். இதையடுத்து இவர் கடந்த வாரம் கைது செய்யப்பட்டார்.

மேற்கத்திய நாடுகளைத் தாக்குவது, குறிப்பாக பிரிட்டனைத் தாக்குவது தொடர்பான அல்-கொய்தாவின் திட்டங்களுக்கு இவர் பல தகவல்களைத் தந்து வந்துள்ளார். மேலும் இங்கிலாந்து அணு ஆராய்ச்சி மையங்கள் மீது தாக்குதல் நடத்துவது குறித்து இவர் அல்-கொய்தாவுடன் இணைந்து திட்டமிட்டு வந்துள்ளார்.

இவரது செயல்களை ரகசியமாக கண்காணித்து வந்த பிரான்ஸ் மற்றும் இஙகிலாந்தின் உளவுப் பிரிவினர் போதிய ஆதாரங்கள் சிக்கியதையடுத்து இவரைக் கைது செய்தனர். தனது குற்றங்களை இவர் ஒப்புக் கொண்டதாகவும் கூறப்படுகிறது.

இவருடன் கைது செய்யப்பட்ட இவரது தம்பி டாக்டர் ஹலீம் விடுவிக்கப்பட்டுவிட்டார்.

அடலீன் ஹெசெரின் இ-மெயில்களை அமெரிக்க உளவு அமைப்பான சிஐஏ கண்காணித்து, அவருக்கு அல்-கொய்தாவுடன் தொடர்பு இருப்பதைக் கண்டுபிடித்து இங்கிலாந்து மற்றும் பிரான்ஸ் உளவுப் பிரிவினருக்குத் தகவல் தந்துள்ளனர்.

இதையடுத்து அவரை இந்நாடுகளின் உளவுப் பிரிவினர் கண்காணி்த்து வந்துள்ளனர்.

18,000 தொன் எடையுடன் இந்தியக் கடற்பரப்பில் பயணித்த பிரான்ஸ் நாட்டு கடற்படைக் கப்பல் சோமாலிய கடற்கொள்ளையர்களின் தாக்குதலிற்கு இலக்காகியுள்ளது.

160 மீற்றர் நீளமுடைய பிரான்ஸ் கடற்படைக் கப்பலான 'த குறூ ஒப் லா சோமே' மீது சோமாலிய கடற்கொள்ளையர்கள் தாக்கியுள்ளனர்.

சிறிய ரக ஆயுதங்களுடன் இரு படகுகளில் வந்த கடற்கொள்ளையர்கள் இக் கப்பலை வர்த்தகக் கப்பல் என எண்ணி கொள்ளையிடும் நோக்கத்துடன் முன்னேறி தாக்கியுள்ளனர். ஐந்து கடற்கொள்ளையர்களை கடற்படையினர் கைது செய்துள்ளனர் என பேச்சாளர் அட்மிரல் கிரிஸ்டோபி பிரசுக் தெரிவித்துள்ளதாக சர்வதேச செய்திகள் தெரிவிக்கின்றன.

தாங்கள் தவறுதலாக தாக்கியது கடற்படை கப்பல் என அறிந்த கொள்ளையர்கள் அங்கிருந்து தப்பிச்செல்ல முற்பட்டுள்ளனர். எனினும் அவர்களை துரத்திய கடற்படையினர் ஒரு படகில் இருந்த கொள்ளையர்களை மட்டும் கைது செய்துள்ளனர். அச்சமயம் மற்ற படகில் வந்த கொள்ளையர்கள் தப்பிச் சென்றுள்ளதாக பாரிஸில் வைத்து அட்மிரல் கிரிஸ்டோபி பிரசுக் தெரிவித்துள்ளார்