REFUGEE

முத்தரப்புத் தொடரின் இறுதி ஆட்டத்தில் இலங்கை 4 விக்கெட்டுகள் வித்தியாசத்தில் இந்தியாவை வென்று சாம்பியன் கிண்ணத்தைத் தனதாக்கிது.

மிர்பூரில் புதன்கிழமை நடைபெற்ற பகலிரவு போட்டியில் நாணய சுழற்சியில் வெற்றி பெற்ற இலங்கை அணி இந்தியாவை முதலில் துடுப்பெடுத்தாட பணித்தது. இதன்படி முதலில் துடுப்பெடுத்தாடிய ஆடிய இந்தியா 48.2 ஓவர்களில் சகல விக்கெட்டுகளையும் இழந்து 245 ஓட்டங்களைப் பெற்றது.

இந்திய அணியின் துடுப்பாட்ட வீரர்கள் இலங்கை அணியின் பந்து வீச்சாளர்களின் பந்துக்கு முகம் கொடுக்க முடியாது சரமாரியாக ஆட்டமிழந்தனர் தொடக்க துடுப்பாட் வீரர் கம்பீர் ஓட்டம் எடுக்காத நிலையில் குலசேகரா பந்துவீச்சில் போல்ட் செய்யப்பட்டு ஆட்டமிழந்தார். தொடரில் சிறப்பாக விளையாடி வந்த விராட் கோலி 2 ஓட்டங்களுக்கு வெலகெதர பந்துவீச்சில் சங்ககாரவிடம் பிடிகொடுத்து வெளியேறினார்.

முதல் இரண்டு ஓவர்களில் 2 விக்கெட்டுக்கள் இழக்கப்பட்டதையடுத்து சிறப்பாக துடுப்பெடுத்தாடிய சேவாக் 42 ஓட்டங்களுக்கு குலசேகரவின் பந்துவீச்சில் ஆட்டமிழந்தார்.மேலும் யுவராஜ் சிங் ஓட்டம் எதுவும் எடுக்காத நிலையில் வெலகெதர பந்துவீச்சில் ஆட்டமிழந்தார். டோனி 19 பந்துகளில் 3 பெவுண்டரிகளுடன் 14 ஓட்டங்கள் எடுத்திருந்தபோது, குலசேகரா பந்துவீச்சில் சங்ககராவிடம் பிடி கொடுத்து ஆட்டமிழந்தார்.

அதன் பின்னர் சிறந்த இணைப்பாட்டத்தை ஏற்படுத்திய சுரேஸ் ரெய்னா, ரவீந்திர ஜடேஜா ஆகியோர் பொறுமையான ஆட்டத்தைக் கடைப்பிடித்தனர்.

ஜடேஜா 64 பந்துகளில் 38 ஓட்டங்களைப் பெற்றிருந்த போது ஆட்டமிழந்தார். மேலும் ஹர்பஜன் சிங் 11 ஓட்டங்களுடனும், ஜாகீர் கான் 16 ஓட்டங்களுடனும் ஆட்டமிழந்தனர். ஒரு முனையில் சிறப்பாக விளையாடிய சுரேஸ் ரெய்னா 115 பந்துகளில் ஒரு சிக்சர், 10 பெண்டரிகளுடன் 106 ஓட்டங்களை எடுத்து 46ஆவது ஓவரில் ஆட்டமிழந்தார்.

இலங்கை அணியில் சிறப்பாக பந்து வீசிய குலசேகரா 48 ஓட்டங்களுக்கு 4 விக்கெட்டுகளையும், வெலகெதர 53 ஓட்டங்களுக்கு 3 விக்கெட்டுகளையும் எடுத்தனர்.

பதிலுக்குத் துடுப்பெடுத்தாடிய இலங்கை 48.3 ஓவர்களில் 6 விக்கெட் இழப்புக்கு 249 ஓட்டங்களை எடுத்து, முத்தரப்பு போட்டியின் சாம்பியன் கிண்ணத்தை வென்றது. துடுப்பாட்டத்தில் தரங்க ஓட்டம் எதுவும் எடுக்காமல் நெஹ்ரா பந்துவீச்சில் ஆட்டமிழந்தார்.

2ஆவது விக்கெட்டுக்கு டில்ஷான், சங்ககாரா இணைந்து 93 ஓட்டங்களைப் பெற்றனர். டில்ஷான் 54 பந்துகளில் 8 பவுண்டரிகளுடன் 49 ஓட்டங்கள் எடுத்து யுவராஜ் பந்துவீச்சில் ஆட்டமிழந்தார்.

அதிரடியாக ஆடிய சங்ககாரா 51 பந்துகளில் 8 பவுண்டரிகளுடன் 55 ஓட்டங்கள் எடுத்திருந்தபோது ஹர்பஜனின் பந்து வீச்சில் சேவாக்கிடம் பிடிகொடுத்து ஆட்டமிழந்தார். மேலும் சமரவீர 27 ஓட்டங்களுடனும், கண்டம்பி 18 ஓட்டங்களுடனும், ரண்தீவ் 17 ஓட்டங்களுடனும் ஆட்டமிழந்தனர்.

இறுதி வரை ஆட்டமிழக்காமல் சிறப்பாக விளையாடி, அணிக்கு வெற்றி தேடித் தந்த முன்னாள் அணியின் தலைவர் மஹேல ஜயவர்த்தன 81 பந்துகளில் 5 பவுண்டரிகளுடன் 71 ஓட்டங்கள் பெற்றார்.

அதேவேளை, ஆட்டமிழக்காது பெரேரா 6 ஓட்டங்களுடன் களத்தில் இருந்தார். நேற்றைய போட்டியின்போது தொடர் ஆட்டநாயகனாக இலங்கை அணித் தலைவர் சங்ககாரா தெரிவு செய்யப்பட்டார். , , ,

சாம்பியன்ஸ் டிராபி தொடரின் நேற்றைய லீக் போட்டியில் இங்கிலாந்து அணி 6 விக்கெட் வித்தியாசத்தில் இலங்கை அணியை வீழ்த்தியது. பொறுப்பாக பேட் செய்த கோலிங்வுட், ஓவைஸ் ஷா, மார்கன் வெற்றிக்கு கைகொடுத்தனர்.
தென் ஆப்ரிக்காவில் சாம்பியன்ஸ் டிராபி கிரிக்கெட் தொடர் நடக்கிறது. ஜோகனஸ்பர்க்கில் நேற்று நடந்த லீக் போட்டியில், “பி’ பிரிவில் இடம் பெற்றுள்ள இலங்கை, இங்கிலாந்து அணிகள் மோதின. “டாஸ்’ வென்ற இங்கிலாந்து கேப்டன் ஸ்டிராஸ் பீல்டிங் தேர்வு செய்தார்.
அதிர்ச்சி துவக்கம்:
முதலில் பேட் செய்த இலங்கை அணிக்கு துவக்கத்திலேயே அதிர்ச்சி காத்திருந்தது. ஆனியன்ஸ் வேகத்தில் ஜெயசூர்யாவும் (0), ஆன்டர்சன் பந்து வீச்சில் தில்ஷனும் (2) அடுத்தடுத்து ஆட்டமிழந்தனர். அனுபவ வீரர்களான ஜெயவர்தனா (9), கேப்டன் சங்ககராவும் (1) வந்த வேகத்தில் வெளியேற, 17 ரன்களுக்கு 4 விக்கெட்டுகளை இழந்து தத்தளித்தது இலங்கை அணி.
கண்டம்பி அபாரம்:
பின்னர் களமிறங்கிய சமரவீரா (30) ஆறுதல் அளித்தார். மிடில் ஆர்டரில் கண்டம்பி, மாத்திவ்ஸ் பொறுப்புடன் ஆடி அணியை சரிவிலிருந்து மீட்டனர். சிறப்பான ஆட்டத்தை வெளிப்படுத்திய கண்டம்பி, 53 ரன்களுக்கு பெவிலியன் திரும்பினார். மறுமுனையில் பொறுப்பாக ஆடிய மாத்திவ்ஸ் 52 ரன்களுக்கு அவுட்டானார். மற்ற வீரர்கள் சொற்ப ரன்களில் வெளியேற, 47.3 ஓவரில் ஆல்-அவுட்டான இலங்கை அணி 212 ரன்கள் எடுத்தது. இங்கிலாந்து தரப்பில் ஆன்டர்சன், பிராட் தலா 3 விக்கெட் வீழ்த்தினர்.
மார்கன் அரைசதம்:
சுலப இலக்கை விரட்டிய இங்கிலாந்து அணிக்கு கேப்டன் ஸ்டிராஸ் (9), டென்லி (5) மோசமான துவக்கம் கொடுத்தனர். பின்னர் இணைந்த ஓவைஸ் ஷா, கோலிங்வுட் ஜோடி இலங்கை பந்துவீச்சை எளிதாக சமாளித்தது. இந்த ஜோடி 3 வது விக்கெட்டுக்கு 82 ரன்கள் சேர்த்தபோது கோலிங்வுட் (46) வெளியேறினார். இவருக்கு ஒத்துழைப்பு தந்த ஓவைஸ் ஷா (44) ஓரளவு நம்பிக்கை தந்தார். பின்னர் அபார ஆட்டத்தை வெளிப்படுத்திய மார்கன், ஒருநாள் அரங்கில் 7வது அரைசதம் கடந்தார். இங்கிலாந்து அணி 45 ஒவரில் 4 விக்கெட் இழப்புக்கு 213 ரன்கள் எடுத்து, 6 விக்கெட் வித்தியாசத்தில் வெற்றி பெற்றது. மார்கன் (62), பிரையர் (28) அவுட்டாகாமல் இருந்தனர். இலங்கை சார்பில் குலசேகரா 2 விக்கெட் வீழ்த்தினார். ஆட்டநாயகனாக கோலிங்வுட் தேர்வு செய்யப்பட்டார்.

'ஐ.சீ.சீ. செம்பியன்ஸ் கிண்ண' கிரிக்கெட் சுற்றுத் தொடரில் கலந்து கொள்வதற்காக இலங்கை கிரிக்கெட் அணியினர் இன்று அதிகாலை தென்னாபிரிக்காவுக்குப் புறப்பட்டுச் சென்றனர் என இலங்கை கிரிக்கெட் நிறுவனம் தெரிவித்துள்ளது. கொழும்பிலுள்ள இலங்கை கிரிக்கெட் நிறுவனத்தின் தலைமையகத்தில் இன்று அதிகாலை இடம்பெற்ற சமயக் கிரியைகளையடுத்து குமார் சங்கக்கார தலைமையிலான இலங்கை அணி வீரர்கள் பண்டாரநாயக்க சர்வதேச விமான நிலையத்தினூடாக தென்னாபிரிக்காவுக்குப் பயணமாயினர்.

உலகக் கிண்ணப் போட்டிகளுக்கு அடுத்தபடியாக இரண்டு வருடங்களுக்கு ஒரு முறை நடத்தப்பட்டு வரும் செம்பியன்ஸ் கிண்ண சுற்றுத் தொடர் எதிர்வரும் 22ஆம் திகதி தென்னாபிரிக்காவில் ஆரம்பமாகவுள்ளது. 14 நாட்களுக்குத் தொடராக நடைபெறவுள்ள இச்சுற்றுப் போட்டி ஒக்டோபர் மாதம் 5ஆம் திகதி இடம்பெறவுள்ள இறுதி ஆட்டத்துடன் முடிவடையும்.
'மினி உலகக் கிண்ணம்' எனக் கருதப்படும் இத்தொடரில் 8 நாடுகளின் அணிகள் பங்குபற்றவுள்ளன. அவை 'ஏ' மற்றும் 'பி' என இரு குழுக்களாகப் பிரிக்கப்பட்டுள்ளன. இம்மாதம் 22ஆம் திகதி ஆரம்பமாகவுள்ள இத்தொடரின் முதல் ஆட்டத்தில் இலங்கை அணி தென்னாபிரிக்க அணியை எதிர்த்தாடவுள்ளமை குறிப்பிடத்தக்கது.