அணு ஆயுதமற்ற உலகை கட்டியெழுப்புவது தொடர்பான முக்கியத்துவமிக்க தீர்மானம் - ஐக்கிய நாடுகள் சபை கூட்டத்தில் நிறைவேற்றம்
 |
அணு ஆயுத பரவலாக்கத்திற்கு முடிவு கட்ட அழைப்பு விடுத்த இந்தத் தீர்வுத் திட்டத்தில், அணு ஆயுத அச்சுறுத்தல் மிக்க நாடுகள் என மேற்குலக நாடுகளால் வர்ணிக்கப்படும் ஈரான் வட கொரியா என்பன தொடர்பில் குறிப்பிட்டு எதுவும் கூறப்படவில்லை.
மான்ஹதனிலுள்ள ஐக்கிய நாடுகள் தலைமையகத்தில் இடம்பெற்ற இரு மணித்தியால கூட்டத்திற்கு தலைமை தாங்கிய அமெரிக்க ஜனாதிபதி பராக் ஒபாமா, அனைத்து நாடுகளதும் மக்களினதும் பாதுகாப்புக்கு அச்சுறுத்தலாகவுள்ள அணு ஆயுத பரவலாக்கம் தொடர்பில் நாம் கவனமெடுக்க வேண்டியுள்ளது என குறிப்பிட்டார்.
அமெரிக்க ஜனாதிபதியாக பராக் ஒபாமா பதவியேற்ற பின் கலந்து கொள்ளும் முதலாவது ஐக்கிய நாடுகள் சபைக் கூட்டம் இதுவாகும்.
அமெரிக்கா, ரஷ்யா, சீனா, பிரித்தானியா மற்றும் பிரான்ஸ் உள்பாதுகாப்பு சபையின் 5 நிரந்தர அங்கத்துவ நாடுகளும் அணு குண்டுகளைக் கொண்டுள்ளமை குறிப்பிடத்தக்கது. இந்நிலையில், அணு ஆயுத பரவலாக்க தடைச் சட்டத்தில் இதுவரை கைச்சாத்திடாத அனைத்து நாடுகளும் கையெழுத்திட வேண்டும் என்ற தீர்மானம் ஐக்கிய நாடுகள் சபையின் இக் கூட்டத்தில் நிறைவேற்றப்பட்டது.
இந்தியா, பாகிஸ்தான், இஸ்ரேல் ஆகிய நாடுகளை இலக்கு வைத்தே இந்தத் தீர்மானம் நிறைவேற்றப்பட்டமை குறிப்பிடத்தக்கது. இந்நிலையில், மேற்படி ஒப்பந்தத்தில் கைச்சாத்திட முடியாது என இந்திய அரசு தெரிவித்துள்ளது.
ஐக்கிய நாடுகள் பாதுகாப்பு சபையில் 15 நாடுகள் அங்கத்துவம் வகிக்கிக்கின்றன.
0 Response to "அணு ஆயுதமற்ற உலகை கட்டியெழுப்புவது தொடர்பான முக்கியத்துவமிக்க தீர்மானம் - ஐக்கிய நாடுகள் சபை கூட்டத்தில் நிறைவேற்றம்"
แสดงความคิดเห็น