REFUGEE

மகாத்மா காந்தி அறிமுகம் செய்த வன்முறை இல்லா போராட்டம் இன்று உலகுக்கே வழி காட்டியாக அமைந்து உள்ளது. இன்று அமெரிக்காவும் மகாத்மா காந்தியின் வழியிலேயே செல்கிறது" என அமெரிக்க ஜனாதிபதி பராக் ஒபாமா தெரிவித்துள்ளார்.
காந்தி பிறந்தநாளையொட்டி வெளியிட்டுள்ள அறிக்கையிலேயே அவர் இவ்வாறு தெரிவித்துள்ளார். அதில் அவர் மேலும் கூறியிருப்பதாவது:
"மார்ட்டின் லூதர் கிங் இந்தியாவில் சுற்றுப்பயணம் செய்த போது மகாத்மா காந்தியின் கொள்கைகளையும், வழி காட்டுதல்களையும் தெரிந்து கொண்டு அதே முறையை அமெரிக்காவில் பின் பற்றினார். இந்த வழியில் எத்தனையோ உரிமை போராட்டங்கள் நடந்தன.
இன்று அமெரிக்கா மகாத்மா காந்தியின் வழியில் செல்கிறது.
அவருடைய போராட்டங்கள், கொள்கைகள், அறிவுரைகள் அனைத்தும் உலகம் முழுவதும் தாக்கத்தை ஏற்படுத்தி உள்ளன. அவருடைய கொள்கைகளை அனைவரும் பின் பற்ற வேண்டும்."
இவ்வாறு அவர் கூறியுள்ளார்.

"எனது 'ஹீரோ' மகாத்மா காந்தி" என்று ஏற்கனவே ஒபாமா கூறியுள்ளமை குறிப்பிடத்தக்கது