செய்தியறிக்கை
தமிழோசைகாபூல் மீது தாலிபன் தாக்குதல்
 |  |
| காபூல் நகரில் தாக்குதலுக்குள்ளான பகுதிகள் |
ஆப்கானிஸ்தானின் தலைநகர் காபூலின் மையப் பகுதி மீது தாலிபன் குழுவினர் தாக்குதல் நடத்தியுள்ளனர்.
பல மணித்தியாலங்களாக நீடித்த இந்த தாக்குதலில் பல குண்டுகளை வெடிக்கவைத்துள்ள தாலிபன் குழுவினர், கடைத் தொகுதியொன்றை எரிய வைத்துள்ளதுடன் பாதுகாப்பு படையினருடனும் மோதல்களில் ஈடுபட்டிருந்தனர்.
ஆப்கன் அதிபர் ஹமீட் கர்சாய், புதிய அரசாங்கத்திற்கான அமைச்சவை நியமனத்திற்கான பதவிப்பிரமாணத்தை செய்து கொண்டிருந்த போது இந்த தாக்குதல்கள் வெடித்துள்ளன.
இந்த சம்பவங்களில், ஏழு தாலிபன் ஆயுததாரிகளும் ஆப்கன் பாதுகாப்புப்படை வீரர்கள் இருவரும் பொதுமக்கள் இருவரும் கொல்லப்பட்டுள்ளனர்.ஏழுக்கும் அதிகமானோர் காயமடைந்துள்ளனர்.
சில தாலிபன் ஆயுததாரிகள் தொடர்ந்தும் நகரில் நிலைகொண்டிருக்கக் கூடுமென்ற அச்சமும் தற்போது காணப்படுகின்றது.
கென்யாவில் சோமாலியர்கள் கைது- சோமாலிய அரசு கண்டனம்
|  |
| மோதலில் காயமடைந்த இளைஞர் ஒருவர் |
நைரோபியில் சோமாலியர்கள் அதிகளவில் வசிக்கும் பகுதியொன்றில் ஞாயிறு இரவு இந்த தேடுதல் நடத்தப்பட்டுள்ளது.
இதன்போது சுமார் முந்நூறு பேர்வரை கைது செய்யப்பட்டு தடுத்துவைக்கப்பட்டுள்ளனர்.
சோமாலிய ஆயுதக் குழுவான அல் ஷாபாபின் ஆதரவாளர்கள் என கென்ய அரசாங்கத்தால் குற்றஞ்சாட்டப்பட்டுள்ள முஸ்லிம்களுக்கும் பொலிசாருக்கும் இடையில் நைரோபியில் வன்முறை மோதல்கள் இடம்பெற்று இரண்டு நாட்கள் கடந்துள்ள நிலையிலேயே இந்த தேடுதல் வேட்டை நடத்தப்பட்டுள்ளது.
நைஜீரியாவில் முஸ்லீம்கள் - கிறிஸ்தவர்கள் இடையே மோதல்
|  |
| நைஜீரியா- வரைபடம் |
நடந்த மோதல்களில் வீடுகள், பள்ளிவாசல்கள், தேவாலயங்கள் போன்றவற்றுக்கு தீவைக்கப்பட்டிருந்தன. குறைந்தது மூவாயிரம் பேர் இந்த மோதல்கள் காரணமாக வாழ்விடங்களை விட்டு வெளியேற நேர்ந்துள்ளதாக செஞ்சிலுவைச் சங்கம் கூறுகிறது.
இருபது பேர் வரை இந்த மோதல்களில் கொல்லப்பட்டதாக சில தகவல்கள் கூறுகின்றன. ஆனால் அதிகாரிகள் இந்த எண்ணிக்கையை உறுதிசெய்யவில்லை.
இரண்டாவது இரவாக ஊரடங்கு உத்தரவு பிறப்பிக்கப்படவுள்ளது.
இம்மாதிரியான கலவரங்களுக்கு காரணம் மதவாதம்தான் என்று அடிக்கடி கூறப்பட்டாலும், யதார்த்தத்தில் நில உரிமை தொடர்பான சொத்துத் தகராறும் பகைமையும்தான் இக்கலவரங்களின் அடிப்படைக் காரணம் என நைஜீரியாவில் உள்ள பிபிசி செய்தியாளர் கூறுகிறார்.
மறைந்த கம்யூனிஸத் தலைவர் ஜோதி பாசுவின் நினைவு ஊர்வலம் செவ்வாய்க்கிழமை
|  |
| அமரர் ஜோதி பாசு |
நாளை செவ்வாய்க்கிழமை நடக்கவுள்ள இச்சடங்குகளில் இந்தியாவின் மூத்த அரசியல் பிரமுகர்கள் பலரும் பங்குகொள்வார்கள் எனத் தெரிகிறது.
ஜோதி பாசு தனது உடலை மருத்துவ ஆராய்ச்சிக்காக தானம் தந்துள்ளார் என்பதால் இறுதிச் சடங்கு என்று ஒன்றும் இல்லை.
கடந்த ஞாயிறன்று காலமான ஜோதி பாசு அவர்களுக்கு கொல்கத்தாவில் பல்லாயிரக்கணக்கான மக்கள் வரிசையில் நின்று அஞ்சலி செலுத்திவருகின்றனர்.
இலங்கை ஜனாதிபதி தேர்தல் - தமிழ்பேசும் மக்களின் மனநிலை
|  |
| வவுனியா முகாம்களில் உள்ள மக்கள் |
தேர்தல் பிரசார கூட்டங்கள் முழு அளவில் நடைபெற இன்னும் ஆரம்பிக்கவில்லை. இந்த நிலையில், இடம்பெயர்ந்து வந்து இடைத்தங்கல் முகாம்களில் தங்கவைக்கப்பட்டுள்ள மக்கள் மத்தியில் இந்தத் தேர்தல் தொடர்பில் பல்வேறுபட்ட கருத்துக்கள் நிலவுகின்றன.
|  |
| சரத் பொன்சேகா |
|  |
| மகிந்த ராஜபக்ஸ |
இதுபற்றிய மேலதிக தகவல்களை இன்றைய செய்தியரங்கத்தில் கேட்கலாம்.
இதேவேளை, கொழும்பு வாழ் தமிழ்பேசும் மக்கள் எதிர்வரும் ஜனாதிபதி தேர்தலை எவ்வாறு பார்க்கிறார்கள் என தமிழோசைக்கு அளித்துள்ள கருத்துக்களையும் நேயர்கள் செய்தியரங்கத்தில் கேட்கலாம்.
ஹைட்டியில் நிலவும் எரிபொருள் தட்டுப்பாடு பாதகமான நிலமைகளை ஏற்படுத்தும்- ஐ.நா எச்சரிக்கை
|  |
| ஹைட்டி மக்களுக்கு உணவு விநியோகம் |
எரிபொருள் இல்லையென்றால் சாலைகள் வழியாக நிவாரணப் பொருட்களை வாகனங்களில் கொண்டு செல்ல முடியாது என்பதோடு, மின்சாரம் இல்லையென்றால் செல்லிட தொலைபேசி வலையமைப்புகள் கூட வேலை செய்யாது என்று ஐ.நா.வின் மனிதாபிமானப் பணிகள் ஒருங்கிணைப்பு நிறுவனம் கூறியுள்ளது.
பூகம்பத்தில் வீடிழந்த மக்களிடம் கூடாரத் துணிகளை விநியோகிக்கும் பணி இன்னும் ஆரம்பிக்கவே இல்லை என்றும், தேவைப்படும் விசேட மருந்து பொருட்களுக்கு தட்டுப்பாடு ஏற்பட்டுள்ளது என்றும் அது தெரிவித்துள்ளது.
ஹைதியிலும் அண்டையிலுள்ள டொமினிகன் குடியரசிலும் உள்ள மருத்துவமனைகள் காயமடைந்த மக்களால் நிரம்பி வழிவதாக ஐ.நா. கூறுகிறது.
"சென்னை உயர்நீதிமன்ற வளாக மோதல் குறித்த சீ.பி.ஐயின் குற்றப் பத்திரிகைகளை ஏற்கக்கூடாது" - வழக்கறிஞர்கள் மனு
|  |
| பொலிசார்- வழக்கறிஞர்கள் மோதலின் போது |
31 வழக்கறிஞர்கள், மேலும் ஒரு சட்டக்கல்லூரி மாணவர் மீது கலவரத்தில் ஈடுபடுவது குறித்த பல்வேறு இந்திய குற்றவியல் சட்டப் பிரிவுகளின் கீழ் வழக்குக்கள் தொடர்ந்திருக்கும் சி.பி.ஐ யின் இரு குற்றப்பத்திரிகைகளில், 6 காவல்துறையினரின் பெயர்கள் மட்டுமே காணப்படுகிறது.
மேலும் 22 காவலர்கள் மீது துறைரீதியான நடவடிக்கை எடுக்கப்படலாம் என்று சி.பி.ஐ சிபாரிசு செய்திருந்தாலும் கூட, வழக்கு 6 பேர் மீதுதான். அது தங்களுக்கு இழைக்கப்படும் அநீதி என்கின்றனர் வழக்கறிஞர்கள்.
0 Response to "செய்தியறிக்கை"
แสดงความคิดเห็น