பாலா பல்டி! விஷால் வெரைட்டி
இந்த நிலையில் ஆர்வத்துடனும், அடங்காத ஆசையுடனும் தனது படத்தில் நடிக்க ஒப்புக் கொண்ட ஜீவா, ரமேஷ் சகோதர்களுக்கு அல்வா கொடுத்துவிட்டு விஷால் பக்கம் கையை நீட்டிவிட்டார் பாலா. சூப்பர் குட் பிலிம்ஸ் தயாரிக்கும் படத்தை பாலா இயக்கப் போவதாகவும், அதில்தான் ஜீவா, ரமேஷ் நடிப்பதாகவும் செய்திகள் வந்தன. இடையில் தனது வெல்விஷர்களான சில இயக்குனர்களின் அட்வைசால், நிறையவே குழம்பி போய்விட்டாராம் பாலா.
ஆர்.பி.சௌத்ரி பெரிய தயாரிப்பாளர். அவருக்கும் உங்களது குணத்திற்கும் சரிபட்டு வராது. படத்தை ஆரம்பித்து சிக்கலில் மாட்டிக் கொள்வதை விட, முன்பே ஒதுங்கிக் கொள்வது இருவருக்கும் நல்லது என்று அட்வைசித்தார்களாம் அவர்கள்.
அதுமட்டுமல்ல… விக்ரம், சூர்யா, ஆர்யா என்று பெரிய ஹீரோக்களை நடிக்க வைத்தால் மார்க்கெட்டில் பாலாவுக்கு இருக்கிற இமேஜ் அப்படியேதான் இருக்கிறது என்ற எண்ணமும் வரும். அதை கெடுத்துக் கொள்வானேன் என்றெல்லாம் அவர்கள் குழப்பத்தை ஏற்படுத்த, பாலா எஸ்கேப்.
விஷாலுக்கும் ஒரு புதுக்களம் தேவைப்படுகிற சூழ்நிலை. பாலா அழைத்ததுதான் தாமதம். ஓடிப்போய் உட்கார்ந்து கொண்டாராம் விஷால். சில மணி நேர பேச்சு வார்த்தைகளுக்கு பிறகு ஒரு வருடம் கால்ஷீட் கொடுத்தாராம் அந்த ஸ்பாட்டில் வைத்தே. தீராத விளையாட்டு பிள்ளை படத்திற்கு பிறகு விஷால் நடிக்கப் போகும் படம் இதுதான். இதில் இன்னொரு வேடத்தில் அநேகமாக ஆர்யா நடிப்பார் என்கிறார்கள்.
இப்பவுலேர்ந்தே குளிக்காம, பல்லு விளக்காம ஹோம்வொர்க் பண்ண ஆரம்பிங்க பிரதருங்களா…
0 Response to "பாலா பல்டி! விஷால் வெரைட்டி"
แสดงความคิดเห็น