REFUGEE

ரஷ்யாவில், 'இந்திய ஆண்டு' கொண்டாட்டத்தின் ஒரு பகுதியாக, ஜனாதிபதி பிரதிபா பாட்டீல் இன்று ரஷ்யா பயணமானார். இதுகுறித்து, ரஷ்யாவுக்கான இந்திய தூதர் பிரபாத் பிரகாஷ் சுக்லா, "ஜனாதிபதி பிரதிபா பாட்டீல், ஐந்து நாள் சுற்றுப்பயணமாக, இன்று ரஷ்யா வருகிறார். ஜனாதிபதியின் இந்த பயணம், ரஷ்யாவின், 'இந்திய ஆண்டு' கொண்டாட்டத்தின் ஒரு பகுதி. அவர், ரஷ்ய அதிபர் திமித்ரி மெட்வதேவ், பிரதமர் விளாடிமிர் புடின் ஆகியோருடன் இருநாட்டு உறவுகள் குறித்து பேச்சுவார்த்தை நடத்துவார். நாளை அவர் க்ரெம்ளின் செல்கிறார். அங்கு, அவருக்கு பாரம்பரிய முறையில் வரவேற்பு அளிக்கப்படும். அதன் பின், அதிபர் மெட்வதேவைச் சந்தித்து பேசுவார்.வெள்ளிக்கிழமை, ரஷ்ய பிரதமர் விளாடிமிர் புடினை சந்தித்து பேசுவார்" எஅனத் தெரிவித்தார். ஜனாதிபதியின் இந்த சுற்றுப்பயணத்தின் போது, பெட்ரோலியத் துறை அமைச்சர் முரளி தியோராவும் உடன் செல்கின்றனர் என்றும் அவர் தெரிவித்துள்ளார்.