REFUGEE

கடந்த உள்ளூராட்சி சபைத் தேர்தலில், ஐக்கிய மக்கள் சுதந்திரக் கூட்டமைப்பில் போட்டியிட்ட ஈபிடிபியைச் சேர்ந்த எஸ். யோகேஸ்வரி யாழ்ப்பாண மாநகர முதல்வராக தெரிவுசெய்யப்பட்டுள்ளார். இவரது நியமனம் தொடர்பான கடிதத்தை ஐக்கிய மக்கள் சுதந்திரக் கூட்டமைப்பின் செயலாளர் அமைச்சர் சுசில் பிரேம ஜயந்த யாழ். மாவட்டச் செயலாளர் பீ.குகநாதனுக்கு அனுப்பி வைத்துள்ளார். அத்துடன் யாழ்ப்பாண மாநகர சபையின் துணை முதல்வராக துரை இளங்கோ தெரிவுசெய்யப்பட்டுள்ளார். இந்த தெரிவுகள் குறித்த அறிக்கையை யாழ்ப்பாண மாவட்டத் தெரிவத்தாட்சி அதிகாரி இன்று வெளியிட உள்ளார். கடந்த உள்ளூராட்சி சபைத் தேர்தலில் ஐக்கிய மக்கள் சுதந்திரக் கூட்டமைப்பு 13 ஆசனங்களைப் பெற்று யாழ்ப்பாண மாநகர சபையைக் கைப்பற்றியது.