சவால்களை எதிர்நோக்கினாலும் கொள்கையில் உறுதி : கி.மா. முதலமைச்சர்
வாழைச்சேனை பிரதேசத்தில் தமிழ் மக்கள் விடுதலைப் புலிகளின் கிராமிய மட்ட அங்கத்தவர்களுக்கான உறுப்புரிமை வழங்கும் வைபவம் நேற்று பேத்தாழை குகனேசன் கலாசார மண்டபத்தில் நடைபெற்றது.
வாழைச்சேனை பிரதேச சபைத் தலைவர் கே. உதய ஜீவதாஸ் தலைமையில் நடைபெற்ற இந்நிகழ்வில் கட்சியின் முக்கியஸ்தர்கள் பலரும் கலந்து கொண்டனர்.
அங்கு தொடர்ந்தும் உரையாற்றிய கிழக்கு மாகாண முதலமைச்சர்,
"தமிழ் மக்களின் அரசியல் உரிமை, அபிலாஷை மற்றும் தனித்துவம் ஆகியவற்றை அடிப்படையாகக் கொண்டதே தமிழ் மக்கள் விடுதலைப் புலிகளின் கொள்கையாகும். சமூக ரீதியான பிராந்திய அரசியல், குறிப்பாக தமிழர்கள் சார்ந்த பிரச்சினைகளை முன்னுரிமைப்படுத்துவதற்குரிய ஒரு கட்சியாகவே இன்று எமது கட்சி விளங்குகின்றது.
நீண்டகால இடைவெளிக்குப் பின்னர் கிழக்கு மாகாணத்தில் ஓர் அரசியல் மறுமலர்ச்சியை ஏற்படுத்தியது எமது கட்சியாகும். கிழக்கில் இதுவரைக்கும் அரசியல் தலைமைத்துவத்தில் ஸ்திரமற்ற நிலையே காணப்பட்டு வருகின்றது.இதனை மாற்றி அமைக்க வேண்டும்.
இனிவரும் காலங்களில் கடந்த கால அரசியல் நிலைப்பாடுகளை மாற்று வழியில் சிந்திப்பவர்களாகவும் கிழக்கு மாகாணத்திற்கென தனித்துவமான ஓர் அரசியல் தலைமைத்துவம் ஒன்றை உருவாக்குவதிலும் நாம் அனைவருமே அக்கறையோடு செயற்பட வேண்டும். கிழக்கு மாகாண மக்களின் தனித்துவங்களையும் அடையாளங்களையும் அபிலாஷைகளையும் பேண வேண்டும்"என்றார்
0 Response to "சவால்களை எதிர்நோக்கினாலும் கொள்கையில் உறுதி : கி.மா. முதலமைச்சர்"
แสดงความคิดเห็น