மறுபடியும் மர்மயோகி கைமாற்றிவிட்ட கமல்!
மருதநாயகம், மர்மயோகி என்று மெகா பட்ஜெட்டில் இறங்கும் போதெல்லாம் ஜகா வாங்க வைக்கிறது விதி. இன்னமும் மருதநாயகத்தை மறக்கவே இல்லை கமல்.
அப்படத்திற்காக எடுக்கப்பட்ட காட்சிகளை மர்மயோகியில் பயன்படுத்துவார் என்று காத்து கிடந்தார்கள் ரசிகர்கள். ஆனால், அந்த மகா கலைஞனின் கனவில் அங்கங்கே பொத்தல்கள்! எல்லாவற்றையும் சரி செய்து அவரது கனவை மீட்டெடுக்க கை கொடுத்திருக்கிறதாம் சன் பிக்சர்ஸ்.
அப்படியா?
ஆமாம் என்கிறார்கள் விபரமறிந்தவர்கள். மர்மயோகியை பொறுத்தவரை கால் கிணறு தாண்டியிருக்கிறார் கமல். லொக்கேஷனிலிருந்து, லோடு பாய் வரை ரெடி. கிளாப் கட்டையை தூக்கிக் கொண்டு கிளம்ப வேண்டியதுதான் பாக்கி. இந்த நேரத்தில் விழுந்த முட்டுக்கட்டையை வலுவான கரம் ஒன்று அகற்ற முன்வந்தால் பயணத்தில் வேகம் பிடிக்கும் என்று காத்திருந்தார். இவர் நினைத்த மாதிரியே எந்திரன் முடிந்ததும் அதே அளவு பட்ஜெட்டில் இந்த படத்தை தயாரிக்க முன் வந்திருக்கிறதாம் சன்.
இடையில் உதயநிதி தயாரிப்பில் ஒரு படமும், துரை.தயாநிதி தயாரிப்பில் ஒரு படமும் நடிக்கப் போகிறார் கமல் என்பது நம்பகமான தகவல்!
0 Response to "மறுபடியும் மர்மயோகி கைமாற்றிவிட்ட கமல்!"
แสดงความคิดเห็น