REFUGEE

காஷ்மீர் மாநிலத்தின் கிஸ்துவார் மாவட்டத்தின் கேஸ்வான் என்ற இடத்தில் லஷ்கர் ஈ தோய்பா அமைப்பைச் சேர்ந்த ஒரு தீவிரவாதியைப் பாதுகாப்புப் படையினர் இன்று சுட்டுக்கொன்றனர். இப்பகுதியில் தீவிரவாதிகள் பதுங்கி இருப்பதாக காவல்துறையினருக்குக் கிடைத்த இரகசியத் தகவலையடுத்து, இராணுவத்தினரின் உதவியுடன் அப்பகுதியைக் காவல்துறையினர் சுற்றி வளைத்தனர். அப்போது, அங்கு பதுங்கி இருந்த தீவிரவாதிகளுக்கும் பாதுகாப்புப் படையினருக்கும் இடையே துப்பாக்கிச் சமர் நீடித்தது. இதில் ஒரு தீவிரவாதி சுட்டுக்கொல்லப்பட்டதாகப் பாதுகாப்புப்படை வட்டாரங்கள் தெரிவித்தன. கொல்லப்பட்டவர் முகமது யூசுப் (௦எ) அபு சலீம் என்றும், லஷ்கர் ஈ தொய்பா அமைப்பைச் சேர்ந்தவர் என்றும் தெரிய வந்துள்ளதாக அந்த வட்டாரங்கள் மேலும் தெரிவிக்கின்றன.