REFUGEE

வெள்ளித் திரையில் மட்டுமின்றி சொந்த வாழ்விலும், வெற்றி ஜோடியான சூர்யா-ஜோதிகா மீண்டும் ஜோடி சேருகிறார்கள் என்பதுதான் இப்போதை ஹாட்! ஆனால் வெள்ளித் திரையில் இல்லை. ஏர்செல் விளம்பர படத்தில் இருவரும் இணைந்து நடித்திருக்கிறார்கள். ஏற்கனவே ஏர்செல் நிறுவனத்தின் விளம்பர மாடலாக இருக்கிறார் சூர்யா. ’ஜோதிகாவும் சேர்ந்து நடித்தால் நன்றாக இருக்கும்’ என்று ஏர்செல் நிறுவனம் விருப்பம் தெரிவிக்க, ‘எனக்குத் தெரியாது. நீங்களே கேட்டுக்கோங்க’ என்று மேடம் பக்கம் கை நீட்டியிருக்கிறார்.திருமணத்திற்குப் பிறகு, சூர்யாவின் அகரம் ஃபவுன்டேஷனின் கல்வி விழிப்புணர்ச்சி விளம்பரத்தில் மட்டுமே நடித்தார் ஜோ. குழந்தை தியாவை விட்டு பிரிகிற பேச்சுக்கே இடம் இல்லை என்று, எந்த வாய்ப்பையும் ஏற்றுக்கொள்ளவில்லை. ஏர்செல் நிறுவனத்தில் நல்ல நேரம், ’சூர்யாவுடன் ஒரு நாள் கேமரா முன்பு ஜோடி போட்டு பார்த்தால் என்ன?’ என்று தோன்றியதும் ஓ.கே. சொல்லியிருக்கிறார் ஜோ. ஏர்செல் நிறுவனத்தார் சாதித்த மகிழ்ச்சியில் இருக்கிறார்கள். ‘’ஜோ கூட ரொம்ப நாள் கழிச்சு ஜோடி போடுறது எனக்கே ஆர்வமான விஷயமா இருக்கு. சூப்பர் பப்ளியான கேரக்டர் பண்ணியிருக்காங்க. இன்னும் கொஞ்ச நாள்ல எல்லாரும், ‘திரும்ப ஜோ எப்ப நடிக்க வருவாங்க’னு கேட்க ஆரம்பிச்சுடுவாங்க. அப்படி ஒரு கேரக்டர். ’திரும்ப எப்படி ரெண்டு பேரும் சேர்ந்து நடிப்பீங்க?’ என்று கேட்டால் சின்ன சிரிப்புடன், ‘நாங்க ரெண்டு பேரும் சேர்ந்து நடிக்கிற மாதிரி ஸ்பெஷலா ஏதாவது இருந்தா பார்க்கலாம். இப்போதைக்கு இந்த விளம்பர படம் மட்டும்தான்’ என்று சொல்லி சிரிக்கிறார் சிங்கம், சூர்யா!