REFUGEE

லண்டன்:பிரிட்டனின் முக்கிய நகரங்களில் சமீபகாலமாக சைக்கிள் ரிக்ஷாக்களை அதிகமாக காண முடிகிறது. இதன்மூலம் பலருக்கு வேலை வாய்ப்பு கிடைத்துள்ளதாகவும் தகவல் வெளியாகியுள்ளது. இந்தியா உள்ளிட்ட ஆசிய நாடுகளில் கடந்த சில ஆண்டுகளுக்கு முன்வரை, சைக்கிள் ரிக்ஷா போக்குவரத்து அதிகம் இருந்தது. ஆட்டோ ரிக்ஷாக்கள் வந்தபின், இந்தியாவில் சைக்கிள் ரிக்ஷாக்களை அதிகம் காண முடிவது இல்லை.ஆனால், சமீபகாலமாக பிரிட்டனில் சைக்கிள் ரிக்ஷாக்களை அதிகமாக காண முடிகிறது. லண்டன், பிரைட்டன், வொர்செஸ்டெர்சைர், லைசெஸ்டர் உள்ளிட்ட நகரங்களின் தெருக்களில், சுற்றுலா பயணிகள் சைக்கிள் ரிக்ஷாக்களில் அமர்ந்து செல்வதை அதிகம் காண முடிகிறது.தற்போது பிரிட்டன் கடலோர பகுதியான கிரோட் யார்மவுத் நகரத்தில் மிக அதிக அளவில் சைக்கிள் ரிக்ஷாக் கள் உள்ளன. கிரேட் யார்மவுத்தை சேர்ந்த கைல் கியார்னி என்ற இளைஞர் கூறியதாவது:சில மாதங்களுக்கு முன், நான் வேலை பார்த்து வந்த நிறுவனம் என்னை வேலையை விட்டு நீக்கி விட்டது. அப்போது தான் சைக்கிள் ரிக்ஷா ஓட்டும் எண்ணம் வந்தது. ஒரு சைக்கிள் ரிக்ஷாவை வாங்கி ஓட்டினேன். குறைந்த கட்டணம் என்பதால், சுற்றுலா பயணிகள் விரும்பி வருகின்றனர். தற்போது பத்துக்கும் மேற்பட்ட சைக்கிள் ரிக்ஷாக்களை வாங்கி, பலருக்கு வேலை வாய்ப்பு அளித்துள்ளேன். சைக்கிள் ரிக்ஷா மூலம், கிரேட் யார்மவுத் நகரில் மட்டுமல்லாமல், பிரிட்டனின் மற்ற நகரங்களிலும் பலருக்கு வேலை வாய்ப்பு கிடைத்துள்ளது. இதில், மிகவும் குறிப்பிடத்தக்க விஷயம் ஒன்றும் உள்ளது. சைக்கிள் ரிக்ஷாவுக்கு பெட்ரோல் போன்ற எரிசக்தி எதுவும் தேவை இல்லை. இதனால், சுற்றுச் சூழலுக்கு மிகவும் உதவுகிறது. இவ்வாறு கியார்னி கூறினார்.